Pablo González é un xornalista e politólogo vasco especializado na información da órbita ex soviética. Mentres informaba sobre o Donbass, foi acusado de "prorruso" polos servizos secretos ucraínos e convidado a abandonar o país. De volta a Polonia, cubría a chegada de refuxiados ucraínos cando foi detido e retido durante catro días sen asistencia legal pola intelixencia polonesa. Actualmente encóntrase no cárcere de Rzeszów, acusado dun delito de espionaxe.

Mònica Bernabé é unha xornalista catalá coñecida especialmente polo seu traballo como correspondente en Afganistán, onde viviu case oito anos, e polo seu labor como defensora dos dereitos humanos nese país. Na actualidade, é responsábel da sección de Internacional do xornal Ara.

Victor Guerrero, xornalista asturiano cunha ampla traxectoria nos medios públicos estatais, cubriu recentemente a guerra de Ucraína como enviado especial para Televisión Española. As súas informacións destacan polo rigor, o achegamento ás historias persoais que hai por tras dos enfrontamentos e unha continua cobertura da actualidade do conflito.