Todas as novas

Presentado en Vigo o Premio Xosé Couso

A memoria e a actitude profesional de Xosé Couso terá continuidade no premio que leva o seu nome. Un galardón que recoñecerá e difundirá o traballo dunha persoa ou institución destacada na defensa da liberdade de prensa ou cunha salientábel traxectoria profesional, libre e independente. O decano do Colexio Profesional de Xornalistas de Galicia, Xosé Manuel Vega; a presidenta do Club de Prensa de Ferrol, Xúlia Díaz; e Guillermo Brea, director da Obra Social de Caixanova, presentaron hoxe en Vigo o Premio Xosé Couso de Liberdade de Prensa.