Aslı Erdoğan (Istambul, 8 de marzo de 1967) é escritora e activista polos dereitos humanos turca, física de formación. Foi perseguida polos seus artigos, e no 2016 foi detida, estando actualmente á espera de xuízo e sen poder saír do país. 

Ignacio Escolar García (Burgos, 1975) foi director entre 2007 e 2009 do diario Público e desde 2012 dirixe eldiario.es. Colaborador e tertuliano en numerosos medios, en 2016 cesaba a súa participación na Ser logo de que eldiario.es publicara información que relacionaba a Juan Luís Cebrian cos Papeis de Panamá.

Virginia Pérez Alonso ten unha ampla traxectoria no xornalismo, especialmente no ámbito dixital. Desde 2014 é presidenta da Plataforma en Defensa de la Libertad de Información.

José María Pérez González, máis coñecido como Peridis (Cabezón de Liébana, 1941), é arquitecto, escritor, humorista gráfico e divulgador do patrimonio. É especialmente célebre pola tira diaria que publica no El País desde o nacemento deste xornal. 

Jorge Ramos Ávalos, xornalista mexicano, ten unha extensa traxectoria profesional na que cubriu cinco guerras e entrevistou numerosos líderes mundiais. En agosto de 2015 foi expulsado dunha sala de prensa por Donald Trump, daquela candidato á Casa Branca, que lle negou o dereito a facer preguntas.